09
09.2012

Day 1 --- 衝出亞洲

環球旅遊   生活品味   攝影寫真  
標籤: travel  dublin  ireland 
27 May 2012
Departure



準備上飛機..先介紹一下..呢隻係代表我既"阿仔"..未來唔少相都會有佢既出現..

老爸車我黎機場..然後自己等入閘..
雖然只係離開3個星期..原本去都未識得唔捨得..
但到左入閘上機前同起飛前..唔捨得開始湧出黎..
因為呢次係廿年黎第一次自己一個離開香港 離開屋企咁耐..
後記:::突然發覺呢個家  任由呢個任性女話走就走仲要自己一個走到幾千里遠..
佢地需要既勇氣絕對唔比我一個人離開既細..多謝你地:')

這次出走有點趕忙..出發一個月前才confirm機票..
考試後距離出發只有一星期時間..就在這一星期不停做research / book hostel / book車飛 / book內陸機..
出發當日..知道爸爸很擔心..而且我還有少少欺騙成份.. [[大家千萬不要學我 -v-]]
說到達當地會有朋友同行..事實是只有到倫敦那幾天才到友人家借宿一下..
入閘等起飛..家姐Whatsapp傳來一句:::加油!為你而驕傲!
眼淺的我在機位上哭得不似人形..
可能當背包友 可能自己一個出走 對很多人來說是件普通事..
作為孻女的我..這次突然的決定..家人很擔心但給予無比支持..很想透過這次旅程告訴他們 我長大了..


出發前的心情? 沒有害怕 沒有不捨 不知怎麼異常的平靜..



我乘搭荷蘭航空22:55 KL 890到Amsterdam阿姆斯特丹@荷蘭 轉機到Dublin都柏林@愛爾蘭.
.


IMG_7608

上機1個中之後就會有Nuts食..再過多1個中就有正餐..


IMG_7610IMG_7611
飛機餐係中式飯又有D沙律咁..
之後睇下有咩戲睇..揀左''Slumdog Millionnaire''睇..
睇完之後就瞓死左..再醒既時間已經係6 7個中後既事..
因為又有飛機餐食喇..


IMG_7612IMG_7613
今次係西式既早餐..成件事即刻歐洲左:p

然後隔離位男仔問我係咪香港人..佢係A-level完都係自己一個去旅行既Chris..
分別會去好凍既Aberdeen同好熱既西班牙..
佢同我講..話我瞓到天昏地暗既時候有雪糕食..仲要係Haagendaaz..T^T
我呢個雪糕怪竟然錯過左..T^T T^T T^T
之後佢仲問我..點解我可以瞓咁耐..佢完全瞓唔著或者會扎醒..
哈哈哈因為由細到大都習慣隨時瞓..所以坐長途機於我黎講係無難度:p
之後我地就用部電視機仔學下外文..原本覺得荷蘭文難學..原來西班牙文更難..


--------------------------------------------------------------------------------------------------

28 May 2012
Transfer@Amsterdam阿姆斯特丹 >> Dublin都柏林



到達Amsterdam阿姆斯特丹..大約係當地時間清晨0500..
我同Chris分道揚鑣去各自既閘口等轉機了..
今次轉機要等4個中..-口-''




外國機場大..所以有好好好好多航班同Area..
所以除左指示方向之外..仲會有埋步行時間..
或者其實好多國際機場都有..只係香港唔需要:p
我坐既係最底既 KL3153 Dublin..閘口D23..




由於係凌晨既關係..成個機場都好靜..
除左手信鋪..其他鋪都無開..




苦等到就黎瞓著終於就夠中..
差不多時間我就到左D23排隊..但望黎望去個電子Board都無我班機既..
原來轉左去D22..好彩只係系隔離..
自己又八卦周圍望下..唔係miss flight都唔知點算..

安檢比較嚴..連鞋Belt 都除埋..條褲就甩就甩咁 -v-''
check boarding pass位黑人哥哥同我講「你好嗎」(普通話)
check完仲同我講「謝謝」(普通話).. 好可愛:)

一上機又即瞓..呢架係短途細機..
所以無meal..coffee/tea都要俾錢..



見到陸地喇~~~



好快就落機..過關..
好驚自己會俾人問長問短..
但叔叔好好人..又再一次聽到「你好嗎」(普通話)
問左原因同下一站之後就ok了..
等行李都好快..一出去指示好清楚..
然後一出自動門..正式踩出歐洲土地..
大啖大啖索一下歐洲既嘅空氣..享受涼浸浸嘅風..
雖然只係啱啱開始但已經覺得好感動..




落去搭巴士出市區喇~~~



指示非常清楚,..



無雲架>w<



成功上車..Airlink 單程
€6..
但一開頭拎左英磅出黎kai左:p



有點像cyber嘅輕鐵



新舊交替嘅車站



行人過路燈都有架~~~



巴士都會有時刻表 (其實只係香港無..)



終於搵到中央車站Busaras..入去買定聽日local tour嘅飛..
因為愛爾蘭係有好多古蹟/古代遺址..
之後就開始搵Hostel喇..




周圍都係鴿鴿..鴿唔怕人人唔怕鴿..



跟住地圖行行行..行到一半就搵唔到d街..
結果..我行左成個中..好洩氣..
不過時間尚早..
中途去左個公園仔嘅樹蔭下吹風抖抖..
有一刻真係好想掉左個背囊..

外國個天真係特別靚..
即使好猛太陽都唔會覺得好辛苦..
因為會有埋涼浸浸嘅風~~~

行左足足2個中冤枉路後..終於搵到喇!!!
原來呢度d街前半截同後半截可以唔同名..但係係同一條街黎..
所以我一見到個名唔同就轉左彎..



有wifi有床單



8人共住




會有locker提供 但鎖要自備




計漏左要用鎖..所以俾左€3買一個..橫掂成個旅程都有用..
中文字 勁有親切感:p



最正係有個露台仔



聽日tour嘅飛




內部幾靚




隔離就有間supermarket..入去行下先..



杯裝家樂氏



呢間就係我住嘅 Dublin Int'l YHA
€14 /person /night



系supermarket買既 將會係我呢兩晚晚餐..
葡萄適 €1
菜湯粉 €1
煙肉芝士雲吞 €2.75

或者相比香港好似好貴
下下都要十幾蚊港紙..
不過本身個人細食有好處..可以一餐份量分兩餐食..
除番開都算ok喇..始終歐洲紙水高..




有TV房 門與門之間都要插卡 幾secure



斜對面就有座教堂..普通一座已經好靚..




憑記憶行出市區..見到親切感的東西..



有果欄 十個八個蘋果都係€2 =$20 仲要大好多紅好多靚好多



馬路中央矗立嘅紀念碑





河景永遠無得輸!!!



鴿也過馬路



主要大橋
其實本來都睇緊地圖..但只要記住河嘅位置..以河為記認就唔會盪失..
每個路口都會有指示牌話你知嗰邊大約有咩景點/特色野..




有粒珍寶珠



終於搵到Dublin Castle..可惜已經閂左..



搵到大教堂..都係閂左..
因為我行行下都已經5點lu..
不過有好多人攤系草地hea..幾悠閒..





紅屋配藍天 perfect match!!




消防車



救護車




三一學院



原本想去睇National Museum但行行下搵唔到又開始攰喇就想行留去河邊..
點知行行下唔對路愈來愈少人..
但我就明明記得河係系呢邊..
硬住頭皮相信自己..堅持多幾個街口終於見番條河..



好似<千與千尋>條時光隧道



漁火閃閃~~~



我叫佢做「打斜的蒸餾水」..其實係有少少似香港智會展既嘅商業中心..




河畔



我成日都覺得呢d船只有展覽先會出現-v-''



呢d雕像嚇親我



八點中..個天依然係咁光..太陽依然高高掛..



有恐怖tour



始終唔係自己地方..所以天黑前就番hostel喇..



青BB郵筒



晚上10點 先開始日落



是日晚餐:::半盒CREAMY雲吞 熱朱力(自帶)


食完沖涼休息下 聽日再長征!!!
發表於2012.9.09
留言(0)
同類文章推薦
博客名稱 :
yeliechan
網誌名稱:
跟背影一起旅行
使用天數:2,398
性別:
按月份瀏覽
    2020
  • 一月
  • 二月
  • 三月
  • 四月
  • 五月
    2019
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 環球旅遊
  • 生活品味
  • 攝影寫真
自行分類