生日飯局

生日飯局

今晚有生日飯局 同Aunty Angela Aunty Jalace Aunty Shirley食飯 Samanatha妹妹太忙今次黎唔到 而本應mami都諗住唔帶兩隻豬豬架 而冇哪哪個dada又變咗要返工囉 行行上完足球堂就直接搭車出荃灣嘞 係公園玩一輪就去食飯 一到食甜品 芊芊第二個胃就開啟嘞 今次食雞軟骨食都夠哂喉喇

 

豬豬舍
136,485

生日飯局

今日係c9生日飯局@旺角Amico 1890 之後去附近嘅he she eat食埋甜品就大滿足嘞! 約咗Aunty Jalace去教協shopping先 兩隻豬豬又氹mami買筆囉 哩杯飲品名為垃圾桶 芊行都非常喜歡 食飽飽後小朋友就坐埋一堆 哩杯甜品係借黎影相架咋 但隻芊都笑得勁開心 哩杯先係芊芊order嘅 係柚子味 而行行又係食焦糖燉蛋

 

豬豬舍
136,485

一杯燒

3月16日星期一晚同同事去了APM預祝生日 去了長龍店一杯燒食,幸好有得電話預約,去到都好快有檯 今次係我第二次去,真係食完一次就想再去第二次,yummy yummy 和牛串 生姜豚肉石頭燒飯 粒粒日本米,好好咬口 燒豆腐 呢個就無咩味道,雖有汁伴吃,但都係過份地啖口 仲叫了雞肉京蔥串,雞肉芝士串 京蔥串就好味道啲 而最上面果隻天然鹽燒大蝦就係同事食的,食過之後佢讚不絕口 重點係呢個關西燒二品,即係可選擇兩種配搭 我哋揀了元貝同豚肉,內裡更多元貝,真係真材實料 銀雪魚西京燒 好食到不得了,但相對價錢就貴囉!! 鮮魷魚炒麵,上次都食唔到,賣哂 今次終於食到,又係勁好味道,因為有我喜歡的魷魚囉!! 呢餐相當豐富,而同事都好滿意,咁就好啦!! 祝同事生日快樂,身體健康,心想事成

 

遠在澳洲的魷魚>未出發先與奮
217,401

白石燒烤場

3月7日星期六係姑奶生日,我哋一家人就去了馬鞍山白石燒烤場到BBQ慶生 去得果樹都係爲了隻乳豬,但就唔平,自己燒埋都要俾六百幾蚊 但去到又唔燒又真係唔得喎!! 三叉燒撐起隻乳豬,由頭燒到尾都要5個鐘有多 老爺都同隻乳豬影番張合照先 整成品 三個小朋友都好期待隻燒乳豬 燒好就即時搵人斬件 食落都幾好味道,但擺到第二日就唔好食了 是日叫了個10人燒烤海鮮套餐都幾貴,但食物就醃得幾好味道,不過都係自己去郊外買燒烤食品會化算好多 在此祝願姑奶生日快樂,身體健康,一家人幸福美滿,心想事成,惡運最早遠離,好運齊來

 

遠在澳洲的魷魚>未出發先與奮
217,401

大喜屋

1月16日星期五晚happy Friday 同友友慶祝生日,地點就揀選了尖沙咀大喜屋 响餐廳樓下等時已經有長長的一條人龍,個個都有預約的,真誇張 由街頭排到去街尾就爲了食呢間勁多人like的日式放題 坐位分佈唔算太迫,但間餐廳都竟可以容納百幾二百人,真係睇唔出內部有咁大空間 食物款式種類繁多 唔好睇佢人多就會等得耐,餐廳的侍應真係好專業,做事相當快手快腳,落order唔會有任何甩漏 有吉碟都會好主動幫妳收拾 麵豉湯 串燒雞翼 雜錦刺身 燒帶子 壽司拼盆,好新鮮喲(花之戀,和風黑椒香蒜牛肉,避風塘瀨尿蝦,海鹽左口魚,火灸帆立貝,火灸海鰻,黑松露油甘魚) 最喜歡呢啲細細件的壽司,唔會咁快食到人滯哂 牛油粟米X2 自家制吉列蠔,芝麻雞翼,香脆魷魚鬚都巧巧味道 黑椒牛柳粒又係無得頂嘅!! 牛油煮青口 牛肉湯鳥冬,夠哂足料 銀雪魚西京燒

 

遠在澳洲的魷魚>未出發先與奮
217,401

牛角日式燒烤

12月8日星期一晚約了友友預祝生日 地點我揀了牛角食日式燒烤 唔經唔覺原來牛角已開業四週年 首先叫了五品野菜盛合 王樣腹胸肉(鹽味牛油) 呢個之前食過一次已經好喜歡,所以今次我再叫嚟食 牛肋肉四品盛合 豬頸肉(燒肉汁) 海鮮燒餅 厚粉咗啲 燒啊!燒啊!! 仲整番張合照留念 仲叫咗個兩個銅鑼燒 一個綠茶,一個雲呢拿味 外暖內凍,真係好好味道 仲有友友送俾我的肉鬆,多謝妳啊!! 12月8日星期一晚約了友友預祝生日 仲有友友送俾我的肉鬆,多謝妳啊!! 仰

 

遠在澳洲的魷魚>未出發先與奮
217,401

再鍋一鍋~肥強海鮮火鍋酒家

12月4日星期四晚預祝兩位友友生日,一行七人去了大角咀肥強食火鍋 胡椒豬肚湯底 鵝腸勁肥美,不過我就唔係咁好的 皇帝菜就好新鮮 生菜又叫埋,剩係菜都叫咗唔少碟 主打(大)肥牛x2 脆魚鯇 仲叫埋蠟味煲仔飯 食埋個飯我先覺得飽啊!! 水餃 四寶丸 鯇魚片 炸魚皮都好好味道 食埋呢次,到了星期六去了老爺屋企繼續烚烚烚 之後都唔想再打邊爐了

 

遠在澳洲的魷魚>未出發先與奮
217,401

阿公大壽宴

11月22日星期六晚上係我阿公擺大壽 响旺角倫敦大酒樓設宴 樓下正正係立立亂亂的佔旺重地,我都係第一次行經果度, 佔旺唯一的好處就係唔駛等燈位過馬路,直行直過呢樣最方便 其實好多阿姨同姨丈,老表都好耐無見過,今次趁機會見番佢哋,場面熱鬧 開席前影番幾廿張相留念 首先就係全家福,十兄弟姊妹齊齊整整 祝阿公長命百歲,身體健康 今日都算係子孫滿堂囉!! 之後係幾姊妹合照 之後係輪到我哋一家人 仲有全體第三代的合照 唔少得係第四代啦!! 開席後圍埋一檯都繼續影影影 我哋都唔執輸無無聊聊咁又玩自拍 三個小朋友圍埋一齊就特別熱鬧 最後係全體大合照,真係好開心的一晚

 

遠在澳洲的魷魚>未出發先與奮
217,401

和民居酒屋

11月18日星期二晚同雀斑仔的友友去了和民慶祝生日 一行六人叫了7七折四人套餐 再另加五款美食,勁飽啊!!!! 個套餐主菜六揀一~牛肉火鍋 北海道名物石鍋豚肉飯 什錦壽司飯 凱撒沙律 大分炸雞&炸薯條,第一次响和民食啲咁西式嘅食物,味道嘛嘛 關西章魚丸子就係散叫的,熱辣辣都幾好味道 大蝦片&枝豆,蝦片好香脆 而豪華壽司盛合同特上壽司盛合都係散叫的 仲再叫多款鮭魚牛油果卷 成檯食物不特止,仲有鯖魚燒,和風比薩同埋和民特製鐵板燒一口餃子 呢個套餐無諗過會係咁豐富,咁抵食 其實我哋唔應該再另叫咁多款壽司食的,真係捧住個肚走人啊!!

 

遠在澳洲的魷魚>未出發先與奮
217,401

稻坊

11月3日星期一晚約了一班好姊妹補祝共中一位的生日 去了尖沙咀稻坊食火鍋 首先嚟過混醬先,點知我輪盡彈起咗隻匙羹,將啲辣椒粒四散滿檯,攪到要侍應阿姐幫我執拾 講番正題,見到呢間新開無耐屬於稻香集團的稻坊,環境都好舒適,比較稻香酒家更高格調 除了小菜亦有火鍋選擇 可散叫,亦可叫套餐 而我哋就叫了匯豐信用卡做緊優惠的8人套餐 稻坊四小碟之一~七味脆豆腐 真係好鬼脆 仲有其餘三碟~滬式四喜烤麩‧珊瑚陳醋海蜇頭‧酸辣拍蒜青瓜 湯底叫了兩個,其一係火焰龍蝦,呢個好香好濃,夠哂龍蝦味道 另一味係走地清雞湯 個餐可有五選二,兩個鍋打起上嚟大家都方便,唔駛坐埋一邊的友友無鍋用 桂花蚌,好姊妹們覺得腥 稻坊四式餃~青瓜餃‧韓式泡菜餃‧特色松露餃‧韮菜餃 手打蝦丸拼墨魚丸 稻庭烏冬夠彈牙 珊瑚蚌 安格斯A級肥牛,好味道不過份量就少啲

 

遠在澳洲的魷魚>未出發先與奮
217,401

雞翼芝士麵‧和民居食屋

11月2日星期日早咗起身就醃定雞翼,準備午餐 終於可以一試友友送來的芝士麵 用AirFryer焗的蜜糖雞翼 配上芝士麵真係絕配 而夜晚就同屋企人去了馬鞍山和民食日本料理預祝珈瑜BB生日 叫了一檯都係的美食,包括呢個鯖魚燒,個個都讚好 我同二哥都各自叫了一碗和民拉麵 而大嫂同大哥就share呢碗海老豚骨湯拉麵 我幫老豆叫了石鍋豚肉飯 雀斑仔的本格盛崗冷麵 魷魚筒飯,我哋一家都好喜歡食 特上壽司盛合&鮭魚牛油果卷 原來妹妹唔鍾意食牛油果,真係依家先至知道 蟹柳魚籽卷 豪華壽司盛合 滑蛋豬扒飯x2 珈瑜BB同阿媽都好喜歡食 石鍋海鮮飯係芯瑜妹妹的 而呢個海鮮小籠鍋配埋飯係比我阿公食的,連阿公都嚟埋真係夠哂比面 我又從貴族訂來的生日蛋糕,諗住照珈瑜BB的相片叫佢整一個蛋糕,點知係失敗之作 真係激C我,一啲都唔似

 

遠在澳洲的魷魚>未出發先與奮
217,401

生日飯局

10月嘅生日飯局 Aunty Jalace揀嘅團購又係飲酒今次仲衰除咗mami Aunty Angela同Aunty Shirley都唔飲酒喎嘥哂而且哩間係酒吧餐廳冇水飲架除咗有氣嘅水囉最後叫氣水飲囉 個團購餐唔夠食再order其他食物 Anuty Jalace咁鍾意搵埋d咁有情調嘅地方食野嘅 唔係同你老公食喎 德國豬手+德國腸好味 肉醬千層麵好味 肉丸唔夠熱 哩個甜品話唔係芝士不過mami食落覺得有芝士囉 佔中關係 mami搭地鐵番荃灣先轉車返屋企

 

豬豬舍
136,485

禾牛薈

10月24日星期五晚約了友友一行8大1小去了尖沙咀禾牛薈開餐 預祝友友昂坪360周總(27號)生日快樂 湯底係寒天翅瓜滑雞鍋 當日個爐頭唔係咁猛烈,成日都好難滾得起 刺身蝦 人數眾多所以食品都好豐富 有花甲,珊瑚蚌,木耳,牛柏葉,牛胸爽同肥牛 仲有大大隻生蠔同牛骨髓 除了花甲仲有鵝腸一碟 另一款雪花肥牛 起筷啦!! 仲有La Creation de Gute生日蛋糕食,正!!

 

遠在澳洲的魷魚>未出發先與奮
217,401

名家韓國餐廳

9月15日星期一晚約了友友去咗i-square名家到食韓燒 是日係同友友預祝生日,當然係要食好啲 但因奶奶入院已第4日,心情仍然沉重 不過可以藉此機會同友友傾訴,個人情緒都可以得到舒緩 有八小碟前菜 款款都係咁好味道 無叫套餐剩係散叫 有龍蝦一隻同牛肋骨 牛脊肉 呢個反而好味過牛肋骨 我飲嘅梅子冰 鮑魚仔兩隻 海鮮辣味石鍋飯 韓國人生日要飲的海帶湯

 

遠在澳洲的魷魚>未出發先與奮
217,401

金不換泰國餐廳@利舞臺廣場

9月2日星期二,一朝早就起身出咗去跑步,跑完就返工,好爽啊! 之後晚上就同同事,老闆一行三人去了銅鑼灣金不換食泰菜補祝生日飯X2 揀呢度係爲了食蟹,係咖哩炒蟹 唔好講咁多,我同同事有了共識唔貴唔叫 首先我哋兩條友叫個菠蘿椰汁特飲先 老闆就喜歡食呢度嘅柚子沙律 蟹肉炒飯係我極力要食的 老闆最初都有怕我哋食唔哂,但我就話食得到,唔係邊有飯送咖哩蟹啲汁啊! 燒春雞 yummy yummy 主角出場~咖哩炒蟹x2 呢餐食得好開心 仲有甜品~芒果糯米飯 多謝老闆

 

遠在澳洲的魷魚>未出發先與奮
217,401

Six Furlong Cafe六化郎咖啡室

9月1日星期一lunch time老闆請我食晏補祝我生日,因為之前原本約咗我8月26日食的 之後又放咗我飛機所以今餐補數,仲加埋明晚果餐都係老闆請客,我諗係佢想補償啩! 坐老闆車去咗跑馬地馬會會所Six Furlong六化郎咖啡室到開餐 set menu 揀了自助沙律,唔要湯囉! 貪佢夠多選擇 餐包無食過 沙律醬汁揀了千島汁之後又落黑醋 夠哂開胃 主菜揀了~五成熟扒免翁牛柳配青胡椒汁伴燒甜椒,茄子及甜薯角 仲有甜品黑森林蛋榚作結 呢餐又好豐富啊!!多謝老闆

 

遠在澳洲的魷魚>未出發先與奮
217,401

明記@流浮山

8月30日星期六係我生日的好日子,但竟然係衰收尾 今年生日無請假,因為要留假去旅行,同埋返半日都OK嘅 一朝早就同雀斑仔去了金華食個豐富早餐之後就返工 放咗工就同雀斑仔去了土瓜灣食上壽司日本料理 第一次去食,食過後都可以番兜,食物都唔錯喎!! 叫了兩個午餐,跟麵豉湯,小吃同甜品~泡夫 吞拿魚飯係雀斑仔嘅 巨型帆立貝壽司 真係好大嚿啊!! 我嘅豬軟骨烏冬 之後就去了流浮山行下 車程甚遠但爲了食好味的海鮮都要架啦!! 景觀遠眺深圳西面 好有漁鄉風味 見有好多人都在影相中..... 黃昏時份見有一隻鷺在水上棲息中 齋用手機影都好靚喎 仲見到有人上艇仔去釣魚 我見自己都係着拖鞋而又咁淺水都走埋落去一份,諗住玩下水 但原來全部都係泥漿,黑都咩咁 之後行返去食店搵游水海鮮食 行過見到兒時的花塔餅,好懷念呢 仲有好多花膠,大地魚粉,海產乾貨

 

遠在澳洲的魷魚>未出發先與奮
217,401

Simplylife Bakery Cafe

8月28日星期四晚同同事去了金鐘Simplylife Bakery Cafe到預祝我的生日 又係最憎食的硬包,呢間除了包其餘樣樣都好食 熱情果冰茶 蟹肉雜菜沙律,花生芝麻醬 燒美國肉眼扒(10安士)配提子醋燒雜菜,迷迭香牛油 雞肉磨菇薄餅 兩條友又食到一檯都係,癡咗線 同事的藍莓芝士餅 我的士多啤梨撻,但士多啤梨勁酸 整番張合照先 又食又拎,又有禮物 多謝妳啊!!!

 

遠在澳洲的魷魚>未出發先與奮
217,401

聚手工火鍋

8月27日星期三晚約了友友去尖沙咀的聚手工火鍋到食,預祝我的生日 地方寬敞而舒服 冷氣夠哂充足 首要係混醬先 除了火鍋,仲有刺身提供 四川麻辣(小辣)拼海底椰子雞鍋 麻辣小辣都好火辣,而椰子雞湯都好香濃,夠哂足料有成半隻雞喎!! 手打四寶丸(牛肉,豬肉,墨魚,鮮蝦),炸響鈴 想叫牛頸脊但無貨,咁就改叫牛小排 牛味同肉質都尚算唔錯 雜菜籃 造型都好靚 抵食的日本蠔($138),七隻細,兩隻大 招牌松露餃,名副其實皮薄餡靚 食到好飽啊! 飯後甜品係黑松露朱古力同西瓜兩片,真係好甜甜蜜蜜啊! 多謝友友的請客同禮物 史迪仔啊! 係史迪仔福袋 內有好多史迪仔的物品,全部都實用啊!!! 非常感謝,勁窩心

 

遠在澳洲的魷魚>未出發先與奮
217,401

大自然素食

8月25日星期一素食日,友友同我預祝生日 友友好有心記得我食素特意揀了太子始創中心大自然素食到開餐 是日友友都唔舒服失了聲咁滯 叫了套餐有西湖羹同餐前冷盤 粟米粥 勝瓜浸魚肉 香酥鴨 好豐富,起筷啦!! 食完又趕返去公司攞番存放於公司雪櫃的Haagen-dazs 雪榚蛋糕 多謝另一友友Fion專誠在我收工前送到嚟 多謝妳的心意 一拎到返去屋企幸好都未溶就即時開封食了 好好味道呢!!

 

遠在澳洲的魷魚>未出發先與奮
217,401

[1]  2  3  >>

今日熱話
WeShare 熱話
  • 上周小編有幸獲邀出一項活動 - 瑞士設計大獎媒體招待會 瑞士設計大獎是一個雙年展設計大賽,不同範疇不同領域的設計師都可以參加,也特別設有年青才俊組別,讓在學或剛畢業的學生有更多機會面向世界。主辦單位這次就將23個被提名和獲獎的產品帶來香港,分別於三個場地 (元創坊、創新科技設計博覽及Connecting Space Hong Kong) 展出,亦舉辦了一連串的講座和活動。 小編當然邀請埋一些Blogger好友出席啦! 今次活動策展人Michel Heuter為我們介紹整個瑞士設計大獎的理念和評委方式,亦同時為我們率先介紹部份有趣的作品。 等我先為大家介紹一下: Stack - 是 Rado 贊助的 Star Prize Switzerland for Young Talent, 是專為年青設計師而設的獎項。Stack是個嶄新的設計,一般打印機最浪費空間的是

     

    blog 546,981

  • 對台灣人來說,環島遊可謂一生必圓夢。香港人鍾愛寶島,可不是人人豪得起 2 星期,飛到台灣踩勻北中南東。早前台灣老爺集團和捷安特旅行社為港人帶來福音,推出 7 日 6 夜單車環島遊行程。就算你無李慧詩咁踩得,也可輕鬆完成單車之旅。 今次介紹的單車環島遊「2016 老爺鐵騎 RoyalRider」,結合台灣人常說的三鐵 (台鐵、高鐵和鐵馬)、巴士、步行觀光和酒店住宿等配套,由台北出發,經嘉義、台南、高雄、台東等地,回到台北作結。行程由擅長搞單車環島遊的捷安特旅行社主理,分為夏季版和冬季版,夏季團踩車總長 225 公里、冬季團踩車總長 190 公里。沿途有補給車、領騎、壓隊和標兵等支援,讓團友在安全的環境下完成旅程。 別以為單車團只有踩車好沉悶,既然和老爺集團有關,你就知道住得好。行程住宿新竹、台南、知本和礁溪等地老爺酒店,不少得港人好愛的溫泉,浸個飽再上路。單車團還包括文化導賞、自

     

    wesharetravel 208,050

  • 臨近聖誕,金光閃閃的禮物特別迷人。Swatch 推出香港限量 420 枚的腕錶禮盒,收藏金光禮盒中,各路愛錶之士,至少來看一眼吧? Swatch 聖誕系列命名「LUCINFESTA」,名字由羅馬神話「LUCINA」和節日「FESTA」組合而成。羅馬人把 12 月 25 日定為太陽神日,有黑暗漸逝、光明得勝之意。LUCINFESTA 手錶採用金色表盤,玻璃鏡面折射星星圖案,代表生命和希望。以藍色和金色為主調的錶帶,配上聖誕圖案更搶眼。收藏手錶的金盒探用鏡面設計,帶來 3D 立體視覺效果,配襯多款聖誕圖案加添聖誕氣氛。 LUCINFEST ($960) 全球則限量發售 8,888 枚,而香港則限定發售 420 枚。

     

    wesharelifestyle 53,316

最新活動

WeShare 送你 Duffy及 ShellieMay 可...

香港迪士尼樂園由即日至 5 月 29 日,呈獻首個「迪士尼花蛋節」!迪士尼朋友化身成為「花蛋」喺樂園不同園區同大家見面。除此之外,今年樂園仲增加左兩項全新「星級體驗」服務 ─「《小公主蘇菲亞》之旅」及「《星球大戰》預備班」,更為各賓客推出多款花蛋造型嘅商品。迪士尼小熊Duffy同ShellieMay亦換上可愛兔仔造型新裝,係咪好想帶佢地返屋企呢?依家只要完成以下步驟及填妥資料即有機會得到一對迪士尼朋友Duffy同ShellieMay 9吋毛公仔,即刻行動啦! (名額:4位)遊戲玩法:1. 成為WeShare.hk、香港迪士尼樂園 | Hong Kong Disneyland 粉絲2. 在此填妥答案及個人資料(bit.ly/1V5MV6o)3. Like並Share遊戲帖子(記得設定為Public/公開)(http://bit.ly/1ShRXWU)4. Tag 3位好友

WeShare Community+
  • 試著好生活

    旅行後,一定有唔少心得可以話比人知,不如一齊把旅行小貼士分享比大家,令下次旅行可以更美滿! 玩樂測試專頁:https://www.facebook.com/poonwainang

  • 迷你黑洞

    二人飲食。旅遊。烹飪部落格。有什麼關於飲食、旅遊的問題也可以留言或電郵發問哦~

  • 二次元隊道研究部

    文藝廢青,憤世疾俗,志願毀滅世界,一拍兩散。

  • misskitb

    一起吃早餐 一起去旅行 一起做手作

  • 魚子醬 - 鐵人家族親子遊

    幼稚園生與全職媽媽。上山下海的鐵人家族玩樂指南。堅持「以大自然為師」的教育理念,希望認識到更多志同道合的家庭!發掘更多親子好去處

熱門話題
  • 好好.社企月餅 — 中秋過節好選擇 中秋佳節將至,月餅是節日必備食品,今年除了傳統老字號的出品外,不妨嘗試一種新選擇,來自社會企業的月餅。 爲協助精神病康復者重投社會,發揮所長,月餅由聘用經驗豐富的包點師傅培訓弱能人士製作健康及衛生的產品,爲其創造就業機會的社企製造。精神病康復者在專業師傅的指導下,嚴格依照安全衛生的生產程序,操作手法熟練,出品自然有高質量保證。 今年推出蓮蓉傳統月餅系列,有傳統蛋雙黃白蓮蓉及迷你版,均採用麻糖醇代替白糖,在保持美味的同時也更加低糖,符合現代人健康的飲食習慣,並力求出品優質。除了傳統月餅系列外,製作工場還推出迷你抹茶、迷你五仁紅豆口味,均採用新鮮進口原材料,讓你在中秋佳節品嚐新口味。 仲有,「好好社企」今年亦推出濃郁朱古力月餅,有榛黑朱古力、白芝麻、紅豆綠茶口味、紅莓及檸檬朱古力味等多款選擇,使你

     

    GoodGoods 36,290

  • 第二屆WWF「跑出未來」現已開始接受報名!是項活動為夜跑賽事,選定白石角海濱長廊進行。大會希望透過活動鼓勵大眾身體力行支持節能,提倡減少消耗不必要的地球資源,投入低碳生活,並籌募善款以支持WWF保育及教育工作。 WWF於去年舉辦首屆「跑出未來」,吸引了超過2,600名健兒參賽。今年賽事分為個人組、團體組﹙三至四人﹚及企業組﹙三至四人以及四人接力﹚,參加者將按性別、年齡及性質等分成 31 個組別進行比賽。所有參賽者將分別完成3公里、4公里﹙接力﹚以及新增的10公里的賽程。 你可能會問跑步與未來有何關係?不少人因為方便舒適會選擇於室內跑步,但於室內跑步時使用電燈、跑步機、冷氣的電力比室外跑步造成更多的碳排放。因此,「跑出未來」就是希望提倡戶外跑步,實踐低碳生活,關注環境問題。 今年活動除了再次邀得香港男子半馬拉松紀錄保持者紀嘉文及2010亞洲馬拉松錦標賽女子馬拉松銅牌得主周子雁繼續擔

     

    wwf 47,009

  • "I Love Hong Kong, I’m born and raised here, Hong Kong is my home." Text by Eddie Kim Hong Kong locals love a good bargain. Anyone can walk into a Manning’s and pick up a gallon of hand soap for the price of a pork chop bun. A good deal is hard to resist, but consumers are catching up to manufacturers through the digital information rush, and the standards for quality is risi

     

    PMQHK 82,009

  • 想真正探索芬蘭拉普蘭的壯闊荒原,來到薩武科斯基這個偏遠小鎮,你就會發覺這兒是一個寧靜的避世天堂。「借我的單車給你,來個午夜河畔單車遊如何?」尼高提議說。我欣然坐上他的爬山單車,沿著凱米河騎行,地平線上不遠傳來金色的陽光。空氣清爽卻也溫暖,湖面波光粼粼,完美地倒影著河岸的房屋與樹木。 這個如睡美人一般的小鎮,也是通往芬蘭最大保護區之一──烏爾霍凱科寧國家公園的捷徑。烏爾霍凱科寧不但是芬蘭歷史上在位最長的總統,他還非常熱愛大自然。在這面積有兩個香港那麼大的公園裡,你可在標示清晰的魯伊亞步道上漫步,穿越公園西部的森比奧嚴格自然保護區;或與嚮導同行,挑戰更高難度的遠足,走過壯麗的溝壑山谷、廣闊的沼澤、北方的原始森林,除了享受開揚美景,更可眺望聖誕老人的家鄉──耳朵山。作為生態愛好者,看到超過十多種北極鳥類和哺乳類動物讓我興奮不已,牠們包括柳鶯、燕雀、熊、狼、貂熊、山貓等,當然還有儼如拉普蘭標

     

    hkdiscovery 36,394

  • 廢話少說!上一round贏唔到既朋友,呢round再嚟!答中問題便有機會贏限量福袋(加推版) !!! 快啲羸份聖誕禮物走啦!!!新增禮品有 (如圖): 文青必備記事本、電影戲票券、咖啡店現金劵,及上期已有禮品:萬用Tote Bag、精美2016座檯年曆、海星的文具十色木顏色筆、及其他神秘禮品。 聖誕福袋(加推版) 的必有禮物 :萬用Tote Bag 、咖啡店現金劵、精美2016座檯年曆.....及更多豐富獎品!即玩兼入黎睇實物 ↓https://www.facebook.com/youthgovhk/photos/p.10153336170798995/10153336170798995/?type=3

     

    youthgovhk 33,502

精選相片