30
03.2017

[全天候公園]鯨魚花園@愉景新城

環球旅遊   親子育兒(旅遊)  
標籤: 愉景新城  鯨魚花園 

"去公園先嚟落雨,唔通連個天都唔鐘意我"傻豬嚟既,邊個話落雨就無得去公園玩架,學校操場都有個陰雨操場啦,公園都可以係無論好天落雨都可以玩架,邊度有咁好既公園,咪就係愉景新城商場內既鯨魚花園!

tp商場近年包裝成為一個親子商場,場內有好多都是為小朋友或家庭而設既商店!而場內既鯨魚花園就一定唔可以錯過,相信呢個公園都幾多人玩,所以星期六日係需要攞籌架,各位父母要留意呀,想玩就預先取定籌之後先去行街街!

場內最觸目就一定係呢條一比一木做既鯨魚,嘩,估唔到原來鯨魚真係咁大條架,大人行埋都立即變得好渺小!

整個鯨魚用木建成,小朋友可以從鯨魚口爬入去,大人係唔入得架.

所以成班小朋友入晒去非常好玩.

之後小朋友就可以行樓梯上去鯨魚頂之後就㵦滑梯落番嚟! 

另一個進階級方法爬上去滑梯就係由鯨魚個身利用攀石扶手爬上去,起初都擔心陶B爬唔到.

但爬了第一次之後就後就開始愈爬愈順利,從佢既勝利笑容就知爬上去玩有幾滿足了!

鯨魚身後面仲有一個魚形攀爬架,呢種架而家真係賣少見少了,不過陶B可能仲細,所以佢都唔太敢爬太高呢,估唔到你都識驚呢!

公園另一樣好少見既設施就係氹氹轉,其實莎拉由細到大都麻麻地鐘意玩,但陶b就好似發現新大陸一樣.

但係玩既時候真係要小心,因為有啲大既小朋友會走去轉到好快,小朋友捉唔實就會有啲危險呢!

公園同樣有照顧到細細小朋友架.

呢個長頸鹿既滑梯就啱晒佢地!

另一邊仲有呢啲小鼓玩,小朋友可以玩亂打喔!

鯨魚花園每一節既玩樂時間是1.5小時,時間足夠晒俾小朋友放電之餘, 最緊要仲係免費!

 

 

 

發表於2017.3.30
留言(0)
博客名稱 :
莎拉蛋糕
網誌名稱:
莎拉蛋糕
使用天數:2,350
性別:
按月份瀏覽
    2020
  • 一月
  • 二月
  • 三月
  • 四月
  • 五月
  • 六月
    2019
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 電影戲劇
  • 戀愛心情
自行分類
最新留言