24
02.2018

♥R&W♥ 婚享 #6:尋找我的小玩意 の 試衫記(I)feat. 男禮 + 花球

生活品味(本地)  
標籤: 婚紗  wedding 

說時遲那年快今天開始要倒數365日啦~要出POST叫親朋戚友SAVE THE DATE,有少少緊張!哈哈!

 

 

其實我係有結婚打算時,我已經不斷留意各式各樣的婚紗,每一年所流行的款式都有少少唔一樣~

不過最普遍都係莫過於大傘裙/A-Line/魚尾/齊地/拖尾/閃石/Lace…等,近年都流行Design味比較濃的另類婚紗晚裝,不過花多眼亂,自問身材正常,雖然冇Model咁既高度同身形,但係都是偏瘦的一類,而且皮膚都比較偏白,所以其實應該著咩都OK(簡單D講係自我感覺良好XD

 

有選擇困難症的我就覺得咩都好靚,但係總係唔知自己岩邊類多D,唔試唔知身體好~所以新年前半個月左右已經開始為我的Big Day第一次去試衫啦!

 

 

呢間婚紗鋪位於觀塘工廈,係之前睇人地D婚享認識,未定日子時已經Bookmark左要去睇下,主因佢地有男禮訂造服務,價錢唔貴,款式都幾多!

 

 

 

 

但係後來發現,佢地除左主打男禮之外,仲收收埋埋唔少靚婚紗晚裝架(心心眼)點可以唔同男友一齊試下,大家幫下眼我著咩款好睇呀!

 

立即去相>>>

婚紗1: 魚尾裙

 

 

 

 

呢條魚尾屬於半魚尾款式,到大脾位置,下面就係一層層紗的裙擺,魚尾款好貼身,後面是縛帶的,露半背的~

 

 

 

 

下擺的紗就有小拖尾,而上身的心型胸就有一層半房的紗,約隱約現,整體款式比較低調,但係腰線好突出,S型身材就出哂黎,但唯一缺點就是沒有閃片/閃石~

 

 

婚紗2: 半透A-Line傘裙

 

 

 

呢條係佢地新款黎架~好似翻左1-2個月左右,因為身材不賴就想有一點小性感,令人眼前一亮,呢條A-Line裙好有公主Feel

 

上身是吊帶一字領咁既設計,感覺好溫柔~

裙上面有不少花花的Lace,腰間的亮點是半透的,隱約見到肉好性感呀~

 

裙擺也有小拖尾,不算太長,外影都好方便,不過唯一是我有點唔合身,腰位有點鬆鬆的,上身吊帶經常滑落,不過如果到租時佢地改一改應該冇咩問題!

 

婚紗3: A-Line傘裙

 

 

又試新裙~呢條同上面果條其實Cutting差唔多,又係吊帶,又係A-Line,不過如果怕太露就可以揀呢條~

 

 

 

 

上半身的Lace比較細密,半透的重點就係背部,超美的Lace,而吊帶旁都有幾條閃閃珠珠,感覺都係好公主Feel,拖尾就比岩岩果條短少少,都算輕便款~呢條連我男友都讚幾靚!

 

 

晚裝1 A-Line

 

又係新翻既裙,呢條Cutting雖然簡單,不過佢個淺藍色做得幾靚,作為粉嫩愛好者見到就想試~

 

 

 

 

心型胸唔洗多講,就可以Show到你條事業線啦~

而近睇淺藍色入面是裸膚色,幾特別呀~全條裙都有大花花的Lace圖案,而且著左上身好似幾顯瘦呀!

 

晚裝2 A-Line傘裙

 

 

 

 

呢條Dirty Pink晚裝幾特別,上身係Lace,下面係Ruffle 傘裙,感覺幾夢幻,重點係腰間要加返條蝴蝶結,先會特顯到腰線!

 

呢條拖尾比較長,不過唯一缺點都沒有閃片/閃石,加上上身之後個色對我黎講比較沉,所以仲有未叮一聲我感覺!

 

 

晚裝3 A-Line傘裙

 

呢條係我試咁多條之中最喜歡的一條,是淡粉紅色的晚裝,而全身的紗上都有Bling Bling的效果,擺動時就會閃下閃下好有公主下凡的感覺(笑)

 

 

 

加上我十分喜歡粉嫩色調,淡粉紅比起剛剛的Dirty Pink顯得膚色再白D,上身胸口是平口,同埋有碎花Lace,成件事好少女呀!

 

 

 

 

試裙期間,仲發現呢間婚紗店除左男禮同婚紗晚裝之外,仲有一個位置係好多花花架~就係新娘子唔可以缺少的花球!

 

入面簡直成個花園咁,連車花都可以訂造架,呢個蛋黃哥好Cute呀!

 

 

 

 

 

花球款式超多,仲可以按喜好訂製架!

 

 

睇完女仔呢面,唔好漏左我男人果部份,因為佢當日都要靚仔咁做主角架ma

 

 

 

呢度d男禮多到眼花花,兩邊牆身8-9個架都係男禮,我男人都揀左一陣子,試左幾個款式~

因為平時男人返工唔洗著老西,而且身型唔算高大果種,所以都想試多幾個款睇下邊套佢會著得好睇D

 

1: 深藍色暗花

 

因為男人唔係瘦削型的男子,著深色係會顯瘦,但我男人對衣著配搭都幾有要求,唔想著到好似部長咁款~所以淨黑色的老西一定byebye

 

先試左呢套深藍色暗花款,腰身位有點修腰是顯瘦的部份,暗花款都幾特別!

 

 

2. 棗紅色格仔

 

呢套棗紅色格仔係男人最欣賞的,帶紅有D喜慶感覺,大格仔唔會太老氣,配個個BOW TIE同著返對皮鞋個感覺應該唔同了!

 

 

3. 淺灰色絨布

 

這套是淺灰色絨布面,試上身呢件好似大碼左少少,因為我地Big Day都算冬天季節,所以試下呢款絨布冬天色調,但男人膚色偏黃,好似唔係太襯!

 

4. 白色男禮

 

每個女仔都有個童話夢,希望有自己心目中的白馬王子,雖然男人對白色的唔太大興趣,但叫左滿足下我的白馬王子夢就叫佢試下襯唔襯啦~

 

因為在場的SIZE都偏細,所以男人穿得有點不自在,快快留個影睇下襯唔襯,其實也不錯,如果Fit身一點可能會更好!

 

 

 

 

 

 

而店內仲有唔少男禮配件,好似領呔、BOW TIE、襟針、袋口巾、褲頭帶及皮鞋款式也不少,簡直係男人天堂,唔洗周圍搵一次過可以執哂成個LOOK

 

 

 

後記:

這間非一般的婚紗店真係聞名不如一試,我地在試身期間都有唔少男士們上來揀衫試身,也有的拎衫,十分熱鬧!

 

好彩地方夠大,唔會話大迫,而試婚紗方面就每次只Serve一位準新娘子,男的一邊,女的一邊,私穩度十分高,而且有1-2位姐姐幫忙穿婚紗,好專業的手勢,而佢地Facebook好少upload婚紗晚裝的款式,以為好少款,但原來佢地都會不斷返新款架,真係唔上去睇相揀衫試都唔知呀~

 

最後最驚喜就就連花球部份都有供應,呢間婚紗店十分全面,一次過可以KO婚禮上三大個Item,真係岩哂唔想行咁多地方既新人呀!

 

 

 

 

以上都是我的用心分享,大家喜歡的就留個腳印支持下~你們的支持就是我婚享的原動力!多多指教!

 

 

**********************************

歡迎聯絡合作

Wing Ho

Instagram: FINGYANWING.MAKEUP

 
 

 

**********************************

發表於2018.2.24
留言(0)
博客名稱 :
FingyanWing
網誌名稱:
Fingyan Wing MakeUp - Blog
使用天數:1,883
性別:
年齡:3
電郵:fingyan.wing@gmail.com
按月份瀏覽
    2020
  • 一月
  • 二月
  • 三月
  • 四月
    2019
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 數碼科技
  • 生活品味
  • 藝文創作
  • 攝影寫真
  • 戀愛心情
自行分類
最新留言