11
10.2011

正式放產假!!! 附 : 韓食家 + Qui + 中國芳食記

由今日起, 大肚媽媽開始正式放產假喇!!

琴晚離開前公司, set out of office的return date竟然係2012, 從來未放過咁耐假, 感覺好神奇!
不過我相信, 阿B一出世, 就會覺得時光似箭, 眨下眼就要返工~~

其實每日的lunch hour都係我寶貴的午睡時間, 但放假在即, 點都要同班同事食下飯
所以最後的working days, 分別去了新都會食韓菜 / 意大利菜 / 同中菜

首先係位於5/F的韓食家, 返黎HK office後都冇返兜過, 咁耐依排飯癮起就去了食


是日陽光燦爛, 店方安排了室外位俾我地, 我坐到有點熱添!!

大家都點了午餐, 各附泡菜紫菜湯各一. 冇錯, 只得一款前菜, 有點孤寒丫!


不過咁, 泡菜可以轉成其他前菜, 例如西蘭花, 又或是魚片
雖然唔係好韓式, 但有多d選擇, 大家都可以share下唔同口味, 唔駛咁悶嘛


依家午餐有個一半一半選擇 ($42), 有5款飯 + 3款炒粉絲可供配搭, 好似幾有新意幾抵食


有2位同事都點了這選擇, Q版牛肉飯睇落都覺得頹, 唔掂啦
原味粉絲味道就OK, 唔會太油


至於我都係想食飯多D, 就要了蘑菇牛肉石頭鍋飯 ($50), 個汁係甜的, 都唔刺激醒胃o既...
不過D菇夠多又juicy, 都唔錯的~~~


食完熱辣辣的石頭飯, 當然要飲杯凍飲 ; 這裡的凍飲要加$6, 但我杯蘆薈茶又假又淡, 唔抵飲

依間野真係好一般, 難怪o係OR有成26個喊面咁多~~~


週5我又要去健康院, 下午先返食唔到飯
所以昨日週一又同另一班同事再食過, 這次揀了去葵青劇場隔離的Qui~~


以前我好鍾意依間野, 覺得環境同食物都好好, 不過依家新加的戶外位就麻麻地

午餐價位同2年前差不多, $98-$118, 內容就變得更豐富
各包橙汁/汽酒一杯, 餐湯及沙律, 咖啡/茶及甜品, 驟睇比以前仲抵食左


先來麵包籃, 我至鍾意將麵包點佢的自家醬濃厚甜黑醋, 是日都食了3件之多!


之後到餐湯+沙律, 原來份量cut細了一半, 以組件形式上檯

當日的意大利菜湯應該無加鹽, 味道好淡, 不過我當清湯飲都可接受到 ;
至於沙律菜配火腿片的組合就清新得來幾好味, 後來有位同事唔食菜, 我接受埋佢個份添呀


來到主菜環節, 我點了意式慢燴羊膝肉配意大利雲吞 ($98)

所有的羊肉已起, 慢煮而成特別嫩滑, 加上香口creamy醬汁及滑溜的蘑菇, 幾好食的!
不過綠色的意大利雲吞皮好厚, 又食唔出清新菠菜味, 依個就麻麻了


當日最受歡迎的主菜是燒美國小牛排配法國鵝肝 ($118)

落單時侍者冇問到成數, 出來的生熟度差異都幾大, 好在成班同事咁熟, 唔介意可以自由更換
牛扒我無試, 但因有同事唔食鵝肝而就接受了一件, 雖然煎得唔香, 但勝在無根又幼滑, 滋味都OK



同事的意式烤鯛魚柳帶子伴黑菌奶油汁 ($98), 個汁一睇就知吸引, 同事都大讚好食 ;
不過菜式份量好細, 冇再share了斷

 
又是同事的香煎大蝦伴銀魚蓉香草蕃茄意大利麵 ($98), 份量較大的主菜
抵讚是大蝦已細心拆了殼, 意粉亦煮得有口感, 唯一係銀魚蓉有點咸~~


最後餐飲要了凍檸茶少冰, 嘩, 真係一粒冰都無!!


而是日甜品則是乳酪雪糕, 細細杯好搞笑, 而且估唔到味道清新有陣芳香, 好味喎!

不過今餐離開時突然落起大雨, 搞到大家都好論盡呢~~


多謝一班同事兩度請客, 下午都準備了豐富的朱古力+雪糕回禮
但最後一日實在好忙, 冇時間慢慢合照, 等遲D大隻B出世後大家上黎再影啦

之後一直忙到九點才離開公司, 並會合來接我的老公, 在新都會4/F的中國芳食late dinner


進入餐廳後, 會先經過一條曲折的長長紅走廊, 感覺好型呀~~


主餐區地方唔大, 裝修則都幾靚 ; 不過昏黃的燈光搞到我white balance錯哂, 好難影相呀


依度的前菜清新中帶微辣, 十分開胃, 好好食!!
是晚持著有AE白金卡優惠, 與老公在menu中散點了一些心水的點心同小菜~~~
 

首先是無錫灌湯小籠包 ($42), 小籠包皮超薄, 湯汁豐富, 餡肉鮮甜, 好味呀!!
初時嫌一籠六隻太多, 結果超快就全部清哂~~~


想要湯水又想食下菜, 就點了菜膽砂鍋雲吞雞 ($128)

當中的雲吞軟滑好味, 雞肉就普通D, 小棠菜亦有點稔, 就勝在夠多 ;
另外成品份量都幾大, 每人分到2碗湯有多, 味道清清地幾合我意呢~


老公一見有水煮菜式, 就兩眼放光, 又點了成都水煮牛肉 ($88)

成品份量又係好大, 當中的牛肉片好嫩滑, 其他配料亦好豐富, 而且口味好香好辣下, 我只敢少試


本來老公仲對杭州煨雞 ($100/半隻) 有興趣, 不過菜式要一小時製作, 才打消念頭
大肚媽媽都係好清淡的菜式, 結果補選了一份二蝦鍋塌豆腐 ($78)

依個豆腐真係超讚呀! 好似一層薄身軟滑、濕潤甜美的腐皮層, 包裹著極滑的嫩豆腐, 好好食
大蝦本來都鮮爽吸引, 但加埋後頓成配角了~~~ 推介!!


始終時間比較夜, 二人食了上述點心+小菜+白飯, 已經超飽, 部份菜式仲要打包添....
之後見到吸引的八寶飯 / 拔絲系列等都食唔落了, 只點了兩碗糖水~~~

首先是酒釀麻沙小丸子 ($18), 糖水中有極香的桂花味, 好正
加上小丸子皮薄得來有吸引的麻蓉夾心, 有驚喜, 好味道丫~~~

另一份就係非餐單, 但見隔離檯有叫, 我地又跟住叫的雪糕楊枝甘露 (~$25)

美心的楊枝甘露不嬲好正, 今次加埋芒果雪糕, 就多一份奶味同冰凍感
相比之下, 我鍾意淨楊枝甘露多D, 不過對於食完水煮的老公, 依碗野就好用落!



今餐原價要$460幾, 但因老公有AE白金卡, 減了$194的餐費, 結果埋單只$270幾, 好抵食!
大肚媽媽最後的一個工作日, 就此圓滿結束啦~~~ 大隻B歡迎您隨時出黎見媽媽喇!

*** 10/11, 網主可能隨時作動入院... 由於部份blog是事先寫起, 期間大家未必為意; anyway當大隻B順利出世, 網主回家後會同大家分享最新近況~ 懇請祝福我同大隻B!!
發表於2011.10.11
留言(3)
  • 海棠
    祝順產 ^^
    11/10/2011
  • Oli
    真係好耐無去過新都會啦,原來開了中國芳都唔知
    11/10/2011
  • Cha
    好想快O的見到契b~~~~~~~~~~放心,大大個契媽係度,一定母子平安呀。
    11/10/2011
博客名稱 :
甜魔媽媽Yan
網誌名稱:
甜魔媽媽小天地
使用天數:2,390
性別:
按月份瀏覽
    2020
  • 一月
  • 二月
  • 三月
  • 四月
  • 五月
  • 六月
    2019
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 藝文創作
  • 電影戲劇
  • 寵物日誌
  • 戀愛心情
  • 文化政經
  • 其他
  • 財經生活
  • 台灣館
自行分類
最新留言