06
08.2013

楠料理 Habitat Japanese Restaurant ~ 倒數中的精緻和食

來到今晚, 距離妹妹的預產期仲有一個月咋, 好緊張又好期待呀~~!
 

  
去到最後6個星期, 過往照食照玩、毫不戒口的媽媽, 不得不承認體力同食力開始直線下降啦... 所以再接唔得咁多試食, 要去都只能揀精緻、有質素的餐廳, 如灣仔
QRE Plaza的楠料理~~
  

 
今次FHY是一同應邀出席試食, 7/29當晚上到餐廳, 已經很有好感, 因為店內環境實在是很清靜、舒服又雅致~~  無論是二人世界, 抑或三五知己, 一同來用餐都會是很好的選擇! 
 

 
除了環境雅致舒適, 當晚的食物亦做得精緻有質素, 非常適合胃口越來越淺的孕媽媽! 
 
 
大家都飲茶, 只飲水的我好寡喎, 不如先來一杯巨峰提子乳酸梳打 ($28) 開胃啦!! 要讚成品甜度合適, 巨峰提子的甜美與乳酸梳打的酸味好夾, 幾好飲的~~~
 

 
其他食友還品嚐了雪之茅舍清酒 ($118/ 酌), 據講是挺優質的出品, 不過我沒多試了~~
  
   
 
接著有賣相精美兼夾華麗的刺身併盤, 成品靚到呢, 當堂令人食指大動!! 
 

 
首先品嚐黑鯛薄切刺身 ($280), 師傅的工功很一流, 將黑鯛切得很薄身又平均, 而且難得是魚味十分濃厚, 鮮甜沒有話說, 結果大家都沒點同上的醬油, 只沾一點豉油已是人間美味~~ 
 

 
不過令人更加讚嘆的是赤鯥魚刺身 ($880)! 食客選點赤鯥後,可選擇煮法---刺身或炙燒兩食, 當晚我們試的是炙燒, 先用醬油塗上魚皮再輕燒, 把脂肪逼出, 令成品更富口感和香味, 而且厚切的質感更加豐腴美味, 雖然貴D, 但真係令人好回味啊! 
 
 
吉列黑毛豬扒 ($98) 用上不經醃製的鹿兒島黑毛豬扒, 脂肪與肉比例2:8, 用日本麵包糠撈日本雞蛋炸, 以日本有機沙律及伴碟, 又係好正!! 
  

 
豬扒炸得好金黃香脆, 外層的麵包糠剛好不過多, 而且就算稍為攤凍仍然好脆身; 肉質肥瘦比例超好, 豐腴美味得來相當鬆化, 點上沙律醬及豬扒汁同吃, 超級美味可媲專門店水準呢!! 
  

 
豚肉生姜燒 ($68), 用上黑豚五花腩肉, 加上雜菜、洋蔥絲, 及自製生薑汁炒香, 再以有機蔬菜伴碟, 組合都幾清新可喜架, 不過我會嫌味道咸了些少~~~ 
 

 
還有南蠻沙律雞 ($98), 是以宮崎雞髀肉先炸後浸南蠻酸醋, 淋上自家製沙律醬, 以日本有機沙律伴碟; 其實雞件真心覺得味道唔錯, 不過當晚的沙律醬似乎落得重手左了... 結果太漏吃不完~~ 
 

 
雜錦天婦羅 ($78) 則不錯, 又是炸得香脆鬆化不油, 蝦隻更仍保留了爽嫩脆甜的鮮味呢~ 
 

 
壓軸還有三款精緻又美味的精選壽司, 分別是三文魚腩鷹羽鯛七星鱸魚 (各$40/件)~~~ 
 

 
先試味道較清的鷹羽鯛, 魚味清卻鮮濃, 沾一點豉油同吃很妙; 而稍經炙燒的七星鱸魚口感更是豐腴, 壽司飯中亦已塗上醬油, 直接可吃, 又是相當的美味~~~ 


 
最後品嚐經火炙的肥美三文魚腩, 那豐腴的油香, 以及濃郁的魚味實在極之吸引啊!! 好好吃~~ 
 
 
 
部份食友最後還品嚐了蛋煮豬扒飯, 但以我現時多餐少吃的胃口, 最後還是留quota給甜品吧~~
 
 

 
超級喜歡這款由北海道直送的菠蘿雪葩 ($60), 成品用上原隻小菠蘿, 中間的雪葩份量頗多, 而且味道非常清新可喜, 吃完炸物後品嚐感覺一流!!  見到大家都很客氣, 我一連吃了兩隻!!
  

 
南瓜雪葩 ($80) 也是由北海道直送, 應該它該稱為雪糕, 因為奶味實在挺濃也算滑身, 且與香甜的南瓜味很合襯, 如果兩口子來浪漫撐餐檯腳後, 來一客會很甜蜜合襯~~ 
 

 
新店有不少信用卡優惠, 而且又有Facebook的送甜品+現金劵優惠, 大家如來幫襯也別錯過啊! 
 

 
最後還參觀了樓上同集團的The Habitat Lounge, 環境又是一流, 忍不住也給大家介紹一下!!
 

 

 
請看這遼闊開揚的美景!! 在特別日子與另一半到訪, 真是太浪漫、太煞食了~~~!!  據公關介紹, 在放煙花的日子, 這裡也可以望到部份景觀呢 
  

 
令人想起以往兩口子去旅行的浪漫時光啊 (見舊blog)..... 都幾回味的~~~ 
 
 
最後在29樓的Lounge玻璃地版一角, 還可以望到樓下楠料理的廚房, 真夠特別!
 

  
很喜歡這店的環境及感覺, 我應該還會帶同喜愛日菜的老公再訪, 可大概要等生完妹妹後了! 
 
**************************************************************************
後按: 今晚照超聲波, 妹妹已有6.07磅啦!! 如果足月出世, 應該係標準的7磅零B, 同Matthew差不多! 
希望妹妹乖乖, 唔好太早, 最好等埋媽媽過埋生日再出黎見大家啦~~~~ 
 
************************************************************************** 
發表於2013.8.06
留言(10)
  • 羅車車
    Wow yummy yummy ,小小妹好足磅喎 fit fit baby
    06/08/2013
  • 梁少奶 ^v^
    南瓜雪葩!!好吸引呀!!
    06/08/2013
  • chi ching
    我都係寫話可能係你生之前最後一次的FHY試食
    06/08/2013
  • Mrs. Wu
    我好耐無食過sushi啦,好想食呀!!!!!!!!
    07/08/2013
  • 田鼠b
    環境真係唔錯喎!
    07/08/2013
  • Ophelia
    環境好中意呀,好中意The Habitat Lounge 日本餐廳的甜點最吸引我
    07/08/2013
  • 水太太
    樣樣都咁吸引〜你呢個大肚婆真係唔戒口個喎!
    07/08/2013
  • Viviana
    嘩,環境好正,食物又好吸引呀?尤其菠蘿雪葩好靚好吸引呀?
    07/08/2013
  • Emily
    楠料理 & The Habitat Lounge 環境都係一流! 飲嘢食嘢又多兩個好地方~
    08/08/2013
  • Lucy
    睇到流晒口水呀... 妹妹重得好好喎, 希望快D (又唔好太快) 見到妹妹啦~
    09/08/2013
博客名稱 :
甜魔媽媽Yan
網誌名稱:
甜魔媽媽小天地
使用天數:2,564
性別:
按月份瀏覽
    2020
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
    2019
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 藝文創作
  • 電影戲劇
  • 寵物日誌
  • 戀愛心情
  • 文化政經
  • 其他
  • 財經生活
  • 台灣館
自行分類
最新留言